清明世界□子多，常熟城里出仔李君甫，爷娘传不我家当蛮蛮大，三爿典当七爿铺，传拉我吃喝嫖赌美的一塌糊涂，想若我里表姐夫，身郎着套短衫裤，走进典当铺，叫声朝奉估价估，铜钿当好三百多，随手来拿航船坐，教一阵狂风到姑苏。打听我里表姐夫，有个说拉马医科，有个说拉笃桃花坞，其日仔三娘来走过，看见一爿耍货铺，里向坐起我里表姐夫，手里拉厾挫起泥□□，我说表姐夫，阿有啥生意荐荐我，我里姐夫说，自家呒啥做，拉里做做个“夜夜五皮老虎”，我说阿有铜钿借点我？拿出一千通兑老提大，随手就拿生意做，买仔五颜六色零头布，打好一个小包裹，大街小巷勿敢走，私街小□喊卖布。看见一位娘娘立门户，喊我卖布客人里向坐，我说娘娘要买啥个布？娘娘说，我里阿大做身短衫裤，阿要几化布？我说唔厾宝宝几化长、几化大？娘娘道，杂能长，杂能大，我说大约勿销多，一丈三尺有得做，娘娘搭我咬耳朵，阿肯赊不我？我说道，对我脚馒头郎坐，装筒烟我呼，对我眉眼做，勿要说个点另头布，就是被头褥子布、脚带布、撩撬布，一搭骨子在自我。刚刚有趣有事务，格忙头里来仔里厾“城隍老”，后头还有“坑三姑”，手里拿仔“两面三”，要杀脱我个头骷颅，“跌搭仔冲”出门户，忘记仔个小包个，不觉来到下牵埠，叫航船只得转回府。